Ons Dag se Brood het sy beslag gekry in Julie 2000,
toe God die NG Gemeente Noordkus die visie gegee het om die Blye
Boodskap oor die oorweldigende medium van die Internet te versprei.
Aanvanklik is kort boodskappies wat verkry is van
die organisasie "Netwoord" aan gemeentelede uitgestuur.
Mettertyd het dit uitgebrei na buite die gemeentegrense, en ver buite
ons landsgrense.
In Januarie 2002 droog die materiaal van Netwoord
egter op, en word ons gevorseer om self boodskappies te produseer.
Ek het wyd en syd pleidooie gestuur na verskeie predikante om te
help met die skryf van dagstukkies, maar al my pleidooie het op dowe
ore geval. God het 'n ander plan met my lewe gehad - Hy wou hę dat
ek self die pen opneem. Maar ek is nie 'n teoloog nie! Wat weet 'n
leek soos ek tog van geestelike literatuur? Soos Moses van ouds het
ek hard geprotesteer, want ek is dit nie waardig om sulke verhewe
dinge te skryf nie. Die Here se antwoord aan my was dat Hy Self vir
my die woorde sal voorsien!
God is getrou en regverdig, en na meer as 1700 dagstukkies
wat uit my pen gevloei het kan ek terugkyk met groot dank aan Hom
wat gereeld die woorde voorsien het aan my, Sy sekretaris.
Hierdie oordenkinkies bereik tans minstens 10'000
mense (dalk baie meer) węreldwyd deur verskeie kanale. Dankie
aan elkeen wat meewerk om dit te versprei op verskillende maniere.
Dit is die visie van die NG Kerk Noordkus om ook
op hierdie manier toe te sien dat die Woord van God uitgedra word
na al die nasies, soos Jesus ons die opdrag gegee het in Matteus
28:19: "Gaan dan na al
die nasies toe en maak die mense my dissipels".
Louis Nel - Ouderling NG Kerk Noordkus.
